السلام عليكم اعزائي متابعي وزوار مدونه فكره مجنونه , النهارده باذن الله معانا موضوع مهم جدا جدا تعمل ايه لو لا قدر الله قناتك اللي موجود على اليوتيوب اتسرقت النهارده باذن الله انا جايبلكم الحل للمشكله دي
الحل الامثل لاستعاده قناتك بعد سرقتها
هنبدا نتعرف على طرق النصب اللي ناس دي بتقدر من خلالها تسرق القناه بتاعتك او تسرق الايميل بتاعك المرتبط بالقناه
طرق النصب :
الطريقة الاولى :
بيتبعت لحضرتك ايميل على الايميل بتاعك وبيبلغك انك كسبت هديه من اليوتيوب طبعا زي ما حضراتكم عارفين اليوتيوب ما بتبعش هدايا لحد حتى درع ال100000 الف اوالمليون حضرتك اللي بتطلبه , بيبدا يقولك لك اضغط على الرابط اللي موجود فى الميل علشان تقدر تستلم الهديه بتاعتك وبالطريقه دي انت بتبقى سلمت له الايميل بتاعك واللى مرتبط بالقناه
الطريقه الثانيه :
هيا تشبه الاولى بيتبعت ليك ايميل بيبلغك ان انتا مخالف لسياسات و شروط جوجل ادسنس وفي عندك انتهاكات موجوده على القناه علشان تعرف المخالفات دي اضغط على الرابط اللي موجود تحت ,وبيبدا يدخلك على صفحه وهميه شبيهه بجوجل ادسنس او جوجل ويطلب منك ان انت تسجل الدخول وبيطلب الايميل بتاعك الخاص بالجيميل وبيطلب الباسورد , كده انت سلمت له الايميل بتاعك واللي مرتبط بقناتك على اليوتيوب
الطريقه الثالثه :
ودي خاصه بالقنوات الكبيره اللي فيها اعداد مشتركين كثير , بيبدا يتواصل معك على انه معلن وعايز يعمل اعلان على قناتك وبيبدا يتفق معك على مده ظهور الاعلان وعلى المبلغ المطلوب و بيبعت لحضرتك ملف فيه الملفات المطلوبه للاعلان وممكن يبعت العقد علشان توقعوا الكتروني اول ما بتحمل الملف وبتبدا تشغلوا ما بيظهرش حاجه ما فيش حاجه بتفتح معاك و بالطريقه دي بتبقى حضرتك سلمت الايميل بتاعك برده اللي مرتبط به قناه اليوتيوب
ازاي ارجع القناه بتاعتي بعد ما اتسرقت
الحل الاول اللي ان حضرتك تخش على تويتر وتبدا تكتب تغريده وتشرح فيها اللي حصل معاك وبتعمل اشاره لفريق اليوتيوب ( teamyoutube (اللي موجود على تويتر هما هيتواصلوا مع حضرتك وان شاء الله المشكله هتتحل
ثاني طريقه معانا هتخش على منتدى يوتيوب بالعربي و هتبدا تكتب المشكله اللي عندك وتعرضها على المسؤولين وهو يبعتلك مستند هتبدا تملاه بالبيانات اللي موجوده عندك وهترفع لهم المستند و باذن الله مشكلتك هتتحل في خلال ايام
تابع معي الشرح بالفيديو علشان تعرف ايه الخطوات اللي هتعملها
الروابط المذكوره الشرح
0 تعليقات